اخواني اخواتي الزوار الكرام
تحيه طيبه ليكم جميعا
انا وانتو والجميع متفيقن على شيئ واحد
وهو ان الي وصلكم للمنتدى بتاعنا هو ان عندكم مشكله معينه وبتبحثوا عن حل ليها بمنتديات السحر
وانا متأكد ان في ناس منكم تعرضوا لعمليات نصب من قبل بعض المنتديات الي اصحابها بيدعوا انهم شيوخ
وانهم ممكن يحلولكم مشاكلكم بلمح البصر
انا وضحت باكثر من موضوع بالمنتدى ان هدف المنتدى لا هو مادي ولا هو لاجل الشهره
وان الهدف الرئيسي منه هو خدمة الاعضاء
من اهم خدمات الموقع هو كشف الناس الي بيقولو انهم شيوخ وهم نصابين
بياخدوا الفلوس وميعملوش حاجه
في منهم الي يبطل يرد عالتلفون
وفي منهم الي يطنش الزبون ويحذفه من المسنجر ولا يرد عليه بعد ما ياخد الفلوس
والاوسخ من كده الي يبتدي يهدد بانه حينشر معلومات الزبون الخاصه
من اسم وصوره ورقم هاتف وايميل وممكن العنوان كمان
ويبتدي يشهر بالزبون لو طلب فلوسه لما يتضح ان الشغل فشل
انا عن نفسي مش عاوز ادخل بالمتاهات دي كلها
بس انا بطلب منكم حاجه وحده
اخي الي اتنصب عليه
اختي الي اتنصب عليها
تخيلو لو قبل ما تحولو فلوس للشيخ المدعي الي نصب عليكم عرفتوا انه نصاب
كنتو اكيد مش حتبعتوله فلوس صح ؟؟؟
وساعتها مكنش حيقدر انه ينصب عليكم
طيب اهو نصب عليكم وخد فلوسكم
تفتكروا حتكونوا مرتاحين وراضيين انه ينصب على ناس تانيه غيركم؟
انا بناشد كل واحد اتنصب عليه انه يكتب عنه بقسم قصتي مع النصابين
علشان محدش تاني يوقع في شباكه
وبالنسبه لمشاكلكم التانيه الي دخلتوا المنتديات دي علشان تجدولها حل
في من ضمن اقسام المنتدى قسم خاص لمشاكل الاعضاء
لكن القسم ده محدش يشوفه غير الاعضاء علشان مش كل واحد يزور المنتدى يشوف مشاكلكم
ممكن تدخلو وتكتبوا فيه مشاكلكم منغير ما حد يعرفكم ولا يعرف عنكم حاجه
وهنا بحب الفت نظركم ان مش كل المشاكل محتاجه سحر علشان تتحل
يعني ممكن تتحل بمنتهى البساطه من خلال نصيحه يكتبها احد الاعضاء
والقرار راجع ليكم طبعا
ولو عندكم أي استفسار او طلب ممكن تكتبوه بالقسم ده منغير ما تسجلوا بالمنتدى
لان القسم ده ليكم ومعمول خصيصا علشانكم
وربنا يوفقكم ويسعدكم جميعا